देमनवाडी शाळेतील आमची इयत्ता पहिली तील मुलं आनंददायी शिक्षणाचा आनंद घेताना ..शिक्षणातून प्राणी ,पक्षी ,कीटक ओळखणे त्यांचे वर्गीकरण करणे..यातुन सुक्ष्म निरीक्षण करणे , एकाग्रता वाढीस लागणे , विचार करणे , बैठक वाढणे व या क्षमतांच्या विकसनासोबतच आनंद घेणे ..शिकण्याची प्रक्रिया म्हणजे या अशा छोट्या मोठ्या कृतींतून शिकणं सवरणं होतं..
_*आज दिनांक 21/06/2023 रोजी योगदिनानिमित्त विविध आसने ,कृती ,प्राणायाम झाल्यानंतर इयत्ता पहिली ते चौथीच्या मुलांनी संगणक स्वतः सुरू करून त्यावर विविध प्रकारच्या गणितीय कृती स्वतः केल्या व आनंद मिळविला.मुलांच्या स्वकृतीचा आनंद मिळविताना पाहताना पाहून मनस्वी समाधान वाटते.लीलया मुलं माऊस हाताळतात , की बोर्डचा उत्तम वापर करतात .वेगवेगळ्या की योग्य त्या वेळी वापरून कृती करतात ..*_
जिल्हा परिषद प्राथमिक शाळा देमनवाडी येथे ज्ञानज्योति, क्रांतीज्योती सावित्रीमाई फुले यांच्या 192 व्या जयंतीनिमित्त मोठ्या उत्साहात माईंना अभिवादन करण्यात आले . यावेळी सावित्रीच्या लेकींनी त्यांना अभिवादन करून त्यांच्या कार्याचा गौरव केला व आदरभाव व्यक्त केला. याप्रसंगी शाळेतील मुलांनी , मुलींनी माईंच्या कार्याविषयी विचार व्यक्त केले .तसेच सौ.मोहिनी प्रमोद देवकाते यांनी क्रांतीज्योतींच्या कार्याची सविस्तर माहिती उपस्थित सर्वांना दिली व कृतज्ञता व्यक्त केली. यावेळी सौ.नीता भारत देवकाते , अंगणवाडी ताई सौ.चंद्रकला पालवे , सौ.प्रतिभा शेजाळ देवकाते यांनी उपस्थित राहून माईंना अभिवादन करून फुले व पुष्पहार अर्पण केला. शेवटी मुख्याध्यापक श्री रविंद्र राऊत यांनी माईंचे कार्य व आजची गरज याविषयी सांगून खऱ्या अर्थाने जयंती साजरी करायची असेल तर त्यांनी दिलेला वसा व विचार अर्थात शिक्षण सर्वांनी मनापासून घेण्याची गरज सांगितली ...
